Vetrar og vordagskrá 2025
| Næstu viðburðir efst, fyrri viðburðir neðan við | ||
|
Þriðjudaginn 25. febrúar 2025 kl. 20:00 |
 |
Prjónavetur Ýr Jóhannesdóttir − Ýrúarí − kynnir verk sín og listsköpun. Árið 2020 var verkefni hennar Peysa með öllu tilnefnt til Hönnunarverðlauna Íslands, en það var unnið í samstarfi við fatasöfnun Rauða krossins. Það var síðan þróað áfram og hefur verið kynnt víða um Evrópu. Ásamt stúdíó Fléttu hlaut hún Hönnunarverðlaun Íslands árið 2023 fyrir verkefnið Pítsustund. |
|
Þriðjudaginn 11. mars 2025 kl. 20:00 |
 |
Prjónavetur Hver er Vík Prjónsdóttir? Á þessu ári eru 20 ár síðan hönnunarteymið Vík Prjónsdóttir varð til. Sagt verður frá samstarfi þeirra við Víkurprjón sem var þá elsta prjónaverksmiðja landsins. Nútímaleg hönnun, form og litaval komu eins og ferskur andblær inn í íslenskan hönnunarheim og allt í einu var íslensk prjónahönnun orðin spennandi og töff. |
|
Þriðjudaginn 25. mars 2025 kl. 20:00 |
 |
Prjónavetur Magnea Einarsdóttir fjallar um verk sín og reynslu af því að starfa sem prjónahönnuður á Íslandi, en hún hefur undanfarin ár vakið verðskuldaða athygli fyrir þróun og frumlega nálgun sína við prjón og efnismeðferð á íslenskri ull. Fatalína hennar MAGNEA - made in Reykjavík var tilnefnd til Hönnunarverðlauna Íslands árið 2021. |
| Helgarnar 5.−6. og 12.−13. apríl 2025 |
 |
Prjónavetur
− Hönnunarmars Íslenskir hönnuðir hafa í samstarfi við prjónaverksmiðjur hérlendis framleitt margar af þekktustu hönnunarvörum landsins sem margar hafa náð heimsathygli. Á HönnunarMars verða sýndar prjónavörur sem hafa verið framleiddar á Íslandi síðustu 20 ár. Markmið sýningarinnar er að gefa gestum kost á að sjá vandaðar vörur sem hafa vakið athygli og fengið verðuga viðurkenningu fyrir hönnun, útfærslu og framleiðslu. Sýningin stendur yfir helgarnar 5.−6. og 12.−13. apríl 2025 frá 13:00 − 17:00. |
| Þriðjudaginn 8. apríl 2025 |
 |
Prjónavetur Málþing sem að koma ýmsir aðilar sem munu miðla sinni reynslu af prjónaframleiðslu á Íslandi og hönnuðir munu varpa ljósi á kosti og galla þess að framleiða hérlendis, hvað við gætum gert betur, en einnig hvað mikilvægt er að varðveita. Á Íslandi starfa enn einstaklingar með dýrmæta þekkingu sem mikil hætta er á að glatist verði ekkert að gert. |
|
Þriðjudaginn 29. apríl 2025 kl. 20:00 |
 |
Helga Pálína Brynjólfsdóttir fyrirlestur |
| Fyrri viðburðir: | ||
|
Þriðjudaginn 14. janúar 2025 kl. 20:00 |
 |
Saga Holdsveikraspítalans í
Laugarnesi og stofnun Oddfellowreglunnar
á Íslandi Guðmundur Þórhallsson segir frá aðdraganda að byggingu Holdsveikraspítalans á Laugarnesi sem starfaði á árunum 1898 − 1943. Inn í þá sögu fléttast stofnun Oddfellowreglunnar á Íslandi 1897. Í erindi sínu Lífið á Holdsveikraspítalanum í Laugarnesi fjallar Erla Dóris Halldórsdóttir sagnfræðingur um starfið á spítalanum og hvernig tókst að vinna bug á þessum hræðilega sjúkdómi. Liður í dagskránni
Friðlýsum Laugarnes. Ókeypis aðgangur. Fréttatilkynning |
|
Þriðjudaginn 21. janúar 2025 kl. 20:00 |
 |
Höfuðból Ingólfs Arnarsonar
var í Laugarnesi Íslandssagan endurskoðuð Árni Árnason fjallar um þá niðurstöðu rannsóknar sinnar að Ingólfur Arnarson hafi byggt bæ sinn í Laugarnesi, en ekki á jörðinni Vík. Liður í dagskránni
Friðlýsum Laugarnes. Ókeypis aðgangur. Fréttatilkynning |
|
Þriðjudaginn 28. janúar 2025 kl. 20:00 |
 |
Mitt Laugarnes Þorgrímur Gestsson fjallar um persónuleg tengsl sín við Laugarnes og rekur aðdraganda þess að hann fór að kynna sér þúsund ára sögu Laugarness, sem varð að lokum að bók. Hann segir frá því hvernig jarðeignin gekk á milli kynslóða sömu ættar öldum saman og hvers vegna aðsetur biskups var að lokum flutt þangað. Þá reynir hann að gera grein fyrir tilfinningu sinni fyrir Laugarnesþorpinu og hvernig borgin gleypti það. Nú stendur bæjarhóllinn einn eftir, heldur kollóttur, og horfur eru á að samtíminn eigi eftir að slétta yfir spor þúsund ára mannlífs þar sem enn má þó sjá glitta í. Liður í dagskránni
Friðlýsum Laugarnes. Ókeypis aðgangur. Fréttatilkynning |
|
Sunnudaginn 2. febrúar 2025 kl.20:00 |
 |
Salon tónleikar Hlíf Sigurjónsdóttir fiðluleikari og Carl Philippe Gionet píanóleikari flytja létta dagskrá með verkum, meðal annars eftir Fritz Kreisler, Edward Elgar Niccolo Paganini og Þórarin Jónsson. |
|
Þriðjudaginn 4. febrúar 2025 kl.20:00 |
|
Tónleikar Hlíf Sigurjónsdóttir fiðluleikari og Carl Philippe Gionet píanóleikari flytja Fiðlusónötu í B dúr eftir W.A. Mozart, Sónötu í c moll eftir Edvard Grieg og Fratres eftir Arvo Pärt. |
|
Þriðjudaginn 11. febrúar 2025 kl. 20:00 |
 Tónskáldin fjögur |
Tónleikar Katrin Heymann flautuleikari, Rob Campkin fiðluleikari og Evelina Ndlovu píanóleikari frumflytja „From Turmoil to Calm“ eftir Barry Mills, sem var samið sérstaklega fyrir þetta breska tríó, ásamt meistaraverkum tuttugustu aldarinnar eftir Bohuslav Martinů og Nino Rota. Tónleikunum lýkur með hugleiðingum um íslensk þjóðlög eftir Snorra Sigfús Birgisson sem ætlað er að tengja breskar rætur flytjendanna við Ísland. |
|
Þriðjudaginn 18. febrúar 2025 kl. 20:00 |
 „Myndin tengist efni fyrirlestrarins beint...“ |
Hver voru þau? Stefán Pálsson sagnfræðingur segir frá komu og afdirfum fjölskyldu sem kom til Íslands frá Danmörku árið 1926 með vísi að dýragarði meðferðis. Þau komu sér fyrir í Laugarnesinu og síðar inni við Elliðaár. Þau vöktu nokkra athygli hér og var því slegið föstu að um sígauna væri að ræða en hafa ber í huga að vitneskja landsmanna um Roma-fólk var lítil sem engin og öll hugtakanotkun mjög á reiki. Hvernig stóð á ferðum fjölskyldu þessarar til Íslands? Hvaða upplýsingar − ef nokkrar − er unnt að finna um fólkið? Liður í dagskránni
Friðlýsum Laugarnes. Ókeypis aðgangur.
Fréttatilkynning |