Haustdagskrá 2024
| Helgarnar 16.−17. og 23.−24. nóvember kl. 13−17 |
 |
FÖR Sýning á prjónaflíkum sem Andrea Fanney klæðskerameistari og textílhönnuður hefur hannað og framleitt á Íslandi á síðustu árum. Verk Andreu eru sett upp meðal skúlptúra Sigurjóns Ólafssonar og grafítverka sýningarinnar Laugarneshughrif, eftir kanadíska listamanninn Carl Philippe Gionet. FÖR og Laugarneshughrif tengjast náttúru Laugarnessins, verk Andreu eru innblásin af fuglalífi borgarinnar og Carl hefur leitað eftir að endurskapa mynstur sem hann sér í klöppum og steinum fjörunnar. |
Sunnudaginn 3. nóvember kl. 15:00 |
 |
Laugarnesvaka Efnt er til Laugarnesvöku í Listasafni Sigurjóns Ólafssonar sunnudaginn 3. nóvember 2024 til stuðnings náttúru og búsetulandslagi í Laugarnesi. Á Laugarnestanga, þeim litla skika sem eftir er óbyggður af hinu forna stórbýli Laugarnesi, er eina óspillta fjaran á norðurströnd Reykjavíkurborgar, þar eru svæði með tiltölulega náttúrulegum gróðri, þar er griðland fugla og þar eru menjar um búsetu allt frá landnámi. Reynt hefur verið að seilast inn á Tangann til að byggja á honum, eða leggja vegi yfir hann, en velunnurum hefur hingað til tekist að afstýra því. Nú er verið að þrengja að Tanganum með landfyllingum og háhýsum úr norðri. Markmið íbúasamtakanna „Laugarnesvinir“ er að Laugarnestangi verið friðlýstur sem náttúru- og minjavætti innan Reykjavíkurborgar. Ókeypis verður inn á safnið þennan dag og munu undirskrifalistar til stuðnings kröfu um friðlýsingu liggja frammi. Dagskrá stýra Þuríður Sigurðardóttir og Hlíf Sigurjónsdóttir. |
Sunnudaginn 6. október kl. 20:00 |
 |
Partons, la mer est belle Tólf akadísk þjóðlög, útsett af Carl Philippe Gionet Christina Raphaëlle Haldane sópran Carl Philippe Gionet píanó |