2024
Listasafn Sigurjóns Ólafssonar
|
Þriðjudaginn 2. júlí kl. 20:30 |
 Freyr og Arnaldur |
Ómur úr suðri Freyr Sigurjónsson flautuleikari og Arnaldur Arnarson gítarleikari flytja suðræna tónlist. Sónatína ópus 205 eftir Mario Castelnuovo-Tedesco, Original Tänze eftir Franz Schubert, Musiques populaires brésiliennes eftir Celso Machado og Suite Buenos Aires eftir Máximo Diego Pujol. |
|
|
Þriðjudaginn 9. júlí kl. 20:30 |
 Einar og Alessandra |
Draumur, saumur og dans Einar Jóhannesson klarínettuleikari og Alessandra Pompili píanóleikari opna gluggann á hinni rómantísku nítjándu öld með draumkenndum verkum eftir hjónin Clöru og Robert Schumann og samtímamann þeirra, Norbert Burgmüller. Þá munu heyrast nýrri verk, meðal annars Bútasaumur, glænýtt verk eftir John Speight og verk eftir enska tónskáldið, listmálarann og rithöfundinn fjölgáfaða Thomas Pitfield, sem hefur ekki verið flutt áður hérlendis. Litríkur ungverskur dans hnýtir svo lokahnútinn á tónleikana. |
|
|
Þriðjudaginn 16. júlí kl. 20:30 |
 Þórhildur, Emma og Sólrún |
Fuglasöngur og serenöður Tríó Sól: Emma Garðarsdóttir og Sólrún Ylfa Ingimarsdóttir fiðluleikarar og Þórhildur Magnúsdóttir víóluleikari. Flutt verður verkið O3, sem Ingibjörg Ýr Skarphéðinsdóttir samdi fyrir tríóið og serenöður og sónötur eftir Zoltán Kodály, Max Reger og Ludwig van Beethoven. |
|
|
Þriðjudaginn 23. júlí kl. 20:30 |
 Guðrún og Francisco |
„Hún er vorið“ Guðrún Jóhanna Ólafsdóttir mezzosópran og Francisco Javier Jáuregui gítarleikari. Titill tónleikanna vísar í samnefnt verk Hauks Tómassonar við ljóð Matthíasar Johannessen. Á efnisskrá eru íslensk og erlend lög sem tengjast konum á einn eða annan hátt; samin af konum, við ljóð eftir konur, um konur eða tileinkuð þeim. Auk titilverksins má meðal annars heyra Vísur Vatnsenda-Rósu eftir Jón Ásgeirsson, Maríukvæði eftir Atla Heimi Sveinsson, Þökk sé þessu lífi eftir Violetu Parra, Alfonsina y el mar eftir Ariel Ramírez, Madrid eftir Ólöfu Arnalds og Síðasti strætó fer korter í eitt eftir flytjendurna við sonnettu eftir Kristján Þórð Hrafnsson. |
|
|
Þriðjudaginn 30. júlí kl. 20:30 |
 Erla Dóra, Björk, Gróa Margrét og Eva Þyri |
Náttúra, ónáttúra
og yfirnáttúra Erla Dóra Vogler mezzosópran, Björk Níelsdóttir sópran, Gróa Margrét Valdimarsdóttir fiðluleikari og Eva Þyri Hilmarsdóttir píanóleikari. Tónleikar með nýjum og eldri sönglögum eftir Þórunni Guðmundsdóttur söngkonu. Verkunum má skipta í þrennt: Söngdúetta á glettnislegum nótum við texta tónskáldsins um sumar, ást og mat; einsöngslög við texta Hannesar Hafstein um missi og afturgöngur og í þriðja lagi ný kammer-sönglög fyrir söngrödd, víólu og píanó, þar sem textarnir eru fengnir úr þjóðsögum og munnmælum og ýmist eignaðir útburðum, draugum, álfum, tröllum eða mönnum, og einnig bregður fyrir vísum úr sagnadönsum. |
|
|
Þriðjudaginn 6. ágúst kl. 20:30 |
 Svanur og Þórdís Gerður |
TRISTIA Þórdís Gerður Jónsdóttir sellóleikari og Svanur Vilbergsson gítarleikari. Flutt verður verk Hafliða Hallgrímssonar Tristia sem var kveikjan að samstarfi flytjenda. Einnig verður leikin Svíta af vinsælum spánskum lögum eftir Manuel de Falla og Sónata fyrir selló og gítar eftir Radamés Gnattali. |
|
|
Þriðjudaginn 13. ágúst kl. 20:30 |
 Hanna Dóra, Kjartan, Ármann og Sigurður |
Chalumeaux−Tríóið og Hanna Dóra Kjartan Óskarsson, Sigurður Ingvi Snorrason og Ármann Helgason klarínettuleikarar ásamt Hönnu Dóru Sturludóttur söngkonu. Á verkefnaskrá tríósins eru tónverk sem spanna alla sögu klarínettunnar og forvera hennar, allt frá fyrsta áratugi átjándu aldar fram á okkar daga. Á efnisskrá þessara tónleika eru meðal annars verk eftir Christoph Graupner, Pál P. Pálsson, Jónas Tómasson og Hjálmar H. Ragnarsson. |
|
|
Tónlistarsjóður styrkir Sumartónleika LSÓ Heimasíđa LSÓ | |||
|
|||