| Fréttatilkynning frá
Listasafni Sigurjóns Ólafssonar (English below) Ábyrgðarmaður:
|
 Sumartónleika- bæklingur 2010 Nánari upplýsingar um röðina í heild veitir Hlíf Sigurjónsdóttir í síma 553 2906 og hér |
|
Listasafn Sigurjóns Ólafssonar |
 Gunnhildur Daðadóttir og Helen Aun. Smellið á myndina til að fá prenthæfa ljósmynd |
Hér má ná í pdf útgáfu
af efnisskrá tónleikanna. Nánari upplýsingar um efnisskrá tónleikanna veitir Gunnhildur í síma 867 7933 eða 650 8866 |
Dúótónleikar með perlum fiðlubókmenntanna.
Gunnhildur Daðadóttir fiðluleikari og Helen Aun píanóleikari í Listasafni Sigurjóns Ólafssonar næsta þriðjudagskvöld kl. 20:30.
Á dagskrá verða: Offertoire op. 11 eftir Edward Elgar; Sónata fyrir fiðlu og píanó í G-dúr op. 30 nr. 3 eftir Ludwig van Beethoven og Sónata í c-moll op. 45 eftir Edvard Grieg.
Fimm ára gömul hóf Gunnhildur Daðadóttir fiðlunám við Suzukiskólann hjá Sigríði Helgu Þorsteinsdóttur og Lilju Hjaltadóttur. Hún útskrifaðist frá Listaháskóla Íslands vorið 2006 þar sem hún nam undir handleiðslu Guðnýjar Guðmundsdóttur. Sama vor varð hún hlutskörpust í einleikarakeppni Sinfóníuhljómsveitar Íslands og Listaháskólans og hlaut í kjölfarið að leika fiðlukonsert eftir Glazunov með Sinfóníuhljómsveitinni.
Gunnhildur nam við Listaháskólann í Lahti í Finnlandi veturinn 2006-7, en hafði áður verið skiptinemi þar. Veturinn 2007-8 var hún við nám við Univerisity of Illinois hjá Sigurbirni Bernharðssyni og hélt þar áfram eftir að hafa leikið einn vetur með Sinfóníuhljómsveit Íslands og lauk meistaragráðu í fiðluleik síðastliðið vor. Í haust mun hún hefja diploma nám við University of Michigan í Ann Arbor.
Gunnhildur vann í Paul Rolland fiðlukeppninni í Illinois 2008 og hún hefur hlotið fjölda styrkja til náms og starfs, nú síðast úr Minningarsjóði Jean Pierre Jacquillat þann 30. júlí síðastliðinn.
Helen Aun er fædd í Tallinn í Eistlandi og hóf píanónám sex ára gömul, fyrst hjá Ülle Sisa og síðan í Tónlistarskólanum í Tallinn. Árið 1994 fluttist hún til Finnlands og stundaði nám við Listaháskólann í Lahti, þar sem Rauno Jussila og Raija Kerppo voru kennarar hennar, og útskrifaðist bæði sem einleikari og kennari árið 2006. Hún hefur búið og starfað í London síðan 2008 og mun senn ljúka kennaraprófi í Alexanderstækni.
Árið 2004 komst Helen í úrslit í Kammermúsíkkeppni í Jyväskylä, Finnlandi ásamt fiðluleikaranum Miina Järvi. Hún hefur leikið einleik með Kemi Symphony Orchestra og tekið þátt í píanókeppnum kenndum við Jyväskylä og Leevi Madetoja. Hún hefur einnig tekið þátt í meistaranámskeiðum hjá Jevgeni Sinaiski, Florin Szigeti, Lauri Väinmaa, Matti Raekallio og Erik T. Tawastsjerna.
Helen hefur mikinn áhuga á kammermúsík og hefur unnið með mörgum kammerhópum og á síðustu árum hefur hún mest leikið með fiðluleikurum og sellóleikurum.
Gunnhildur og Helen hafa leikið saman frá 2006 og haldið tónleika í Finnlandi og Íslandi og á næstunni stefna þær á að leika saman á tónleikum í London og Bandaríkjunum.
English:
|
Sigurjón Ólafsson Museum, Reykjavík. |
Gunnhildur Daðadóttir og Helen Aun. |
A pdf
version of the program. For the Press: Further information on the concert available at Gunnhildur tel: (354) 867 7933 or (354) 650 8866 |