Fimmtu tónleikarnir í Sumartónleikaröð Listasafns Sigurjóns eru helgaðir börnum.  Á þeim flytja Þórunn Elín Pétursdóttir sópran og Anna Rún Atladóttir píanóleikari fjölbreytta efnisskrá með lögum frá ólíkum tímabilum og heimshornum, sem öll eiga það sameiginlegt að lýsa hugarheimi og veruleika barna.  Meðal höfunda eru Atli Heimir Sveinsson, Edward Grieg, Leonard Bernstein og Jóhann G. Jóhannsson. 

 

Þórunn Elín Pétursdóttir hefur haldið einsöngstónleika og komið fram sem einsöngvari við ýmis tækifæri. Þórunn stundaði nám við Tónlistarskólann í Reykjavík og Listaháskóla Íslands undir handleiðslu Elísabetar Erlingsdóttur. Hún hefur einnig sótt mörg meistaranámskeið í söng bæði heima og erlendis.  Þórunn Elín fór með hlutverk Saffíar í uppsetningu Óperustúdíós LHÍ og Íslensku Óperunnar á Sígaunabaróninum í apríl 2004 og tók þátt í Ljóðaakademíu Kristins Sigmundssonar og Jónasar Ingimundarsonar í Salnum vorið 2005.  Hún hefur einnig B.A. próf í uppeldis- og menntunarfræðum og heimspeki og starfar við tónmenntakennslu samhliða söngnum.

Anna Rún Atladóttir útskrifaðist vorið 1992 með fiðlukennarapróf frá Tónlistarskólanum í Reykjavík. Þremur árum síðar lauk hún píanókennaraprófi frá sama skóla. Anna Rún stundaði framhaldsnám í London frá 1994, við Trinity College of Music og The London College of Music, en þaðan lauk hún einleikaraprófi á píanó og MMus gráðu í píanómeðleik (Piano Accompaniment). Aðalkennarar hennar í London voru m.a. Prof. Carola Grindea og Prof. Geoffrey Pratley. Hún starfaði sem hljóðfærakennari og meðleikari í Oxford, Cambridge og London frá 1997 til 2000. Anna Rún hefur komið fram sem píanóleikari, fiðluleikari og meðleikari bæði með söngvurum, hljóðfæraleikurum og kórum hérlendis, í Englandi, Tékklandi, Ungverjalandi og Þýskalandi. Anna Rún starfar nú sem píanóleikari og raddþjálfari hjá Söngskólanum í Reykjavík og sem fiðlukennari við Tónmenntaskóla Reykjavíkur.

  

Tónleikarnir hefjast klukkan 20:30 og standa í klukkustund. 

Miðaverð á tónleikana er 1.500 krónur. Hægt er að kaupa miða við innganginn en einnig símleiðis í Listasafni Sigurjóns í síma 553-2906. 

Hægt er að ná í Þórunnu Elínu í síma 849-0662 vegna viðtals og myndatöku.
Prenthæf ljósmynd af Þórunni Elínu og Önnu Rún http://www.lso.is/tonl/08-08-05-ThAR.jpg

Heildardagskrá sumartónleikanna: http://www.lso.is/tonl_i.htm

Ábyrgðarmaður fréttatilkynningar:
Steinunn Þórhallsdóttir, Listasafni Sigurjóns Ólafssonar, sími 553 2906, www.lso.is

 

---

Sigurjón Ólafsson Museum - Summer Concerts

Tuesday August 5th at 20:30
Music About, and for Children

Þórunn Elín Pétursdóttir soprano and Anna Rún Atladóttir piano perform a program about, and for children. Seven Children's Songs op. 61 by Edward Grieg, I hate music! by Leonard Bernstein, Jóhann G. Jóhannsson's music to Þórarinn Eldjárn's poems as well as popular songs by Atli Heimir Sveinsson. 

 

Þórunn Elín Pétursdóttir studied at the Reykjavík College of Music and the Iceland Academy of the Arts with Elísabet Erlingsdóttir. She spent a year in Berlin as an exchange student at the Berlin University of the Arts, where she studied with Professor Ute Niss. She has also attended numerous master classes, both in Iceland and abroad with Joy Mammen, Franco Castellana and Karan Armstrong. In 2004, she sang the role of Saffi, in Johann Strauss’s The Gipsy Baron in the Opera Studio of the Icelandic Opera. Pétursdóttir has been a member of numerous choirs and is now a member of the Áskirkja and Kópavogur church choirs. She also holds a degree in pedagogy and philosophy and teaches music at an elementary school.

Anna Rún Atladóttir was born in Reykjavík and graduated from the Reykjavík College of Music in 1992 as a violin teacher and three years later as a piano teacher. Anna Rún completed her postgraduate studies at the Trinity College of Music and the London College of Music, where her teachers were Prof. Carola Grindea and Prof. Geoffrey Pratley. She graduated with a piano solo diploma and a MMus degree in Piano Accompaniment. Anna Rún has performed at many concerts as an accompanist both in Iceland and elsewhere in Europe. She is currently an accompanist at the Reykjavík Academy of Singing and Vocal Arts and a violin teacher at the Reykjavík Children's Music School.