Gershwin og borgin hans, New York

Lincoln Mayorga leikur tónverk eftir George Gershwin og tekur dæmi um Evrópsk og Amerísk áhrif í tónlist hans og annarra félaga í "Tin Pan Alley" hópnum. Sögulegar frásagnir og skemmtisögur frá þessu áhugaverða tímabili jazz-sögunnar verða fléttaðar inn í efnisskrána. Í Listasafni Sigurjóns á Laugarnestanga, sunnudaginn 4. september kl. 17:00

George Gershwin var innflytjendasonur, fæddur í Brooklyn, New York, 1898. Sagt er að tónsmíðar hans hafi fært Bandaríkin á svið "alvöru" tónlistar og eins og verk Stravinskys, Debussys og Béla Bartóks. Gershwin hóf að leika á píanó eftir eyranu, en lærði síðan nokkuð. Fyrsta starf hans sem píanóleikari var við "Tin Pan Alley" á 28. stræti í New York en þar var samansafn tónskálda, hljóðfæraleikara og tónlistarútgefenda sem unnu að því að koma sér á framfæri.

Fyrsta verk Gershwins sem varð vel þekkt Rhapsody in Blue var samið á þremur vikum fyrir sveifluband, og önnur verk fyrir píanó og hljómsveit fylgdu á eftir. Porgy and Bess sem er talin fyrsta alvöru ameríska óperan fjallar um líf og ástir fólks í fátækrahverfum stórborganna. Gershwin fluttist til Hollywood og samdi þar sönglög ásamt bróður sínum Ira sem Fred Astaire og Ginger Rogers fluttu. Þar samdi hann mörg sín vinsælustu verk, Someone to watch over me, S’wonderful and I got Rhythm. Gershwin lést langt um aldur fram árið 1937.

Bandaríski píanóleikarinn Lincoln Mayorga er vel þekktur vestan hafs fyrir afar fjölbreyttan píanóleik. Hann er eftirsóttur klassískur píanóleikari, hefur t.d. leikið með Los Angeles Philharmonic Orchestra og Moskvu fílharmonían valdi hann sem einleikara á fyrstu tónleikum sínum með bandarískum verkum eingöngu árið 1988. Undanfarin ár hefur hann leikið víða um Evrópu og í Rússlandi og haldið tónleika í yfir 200 borgum í Norður Ameríku.

Lincoln hefur einnig sérstakan áhuga á að leika léttari tónlist og jazz og var nýverið gestur ´Piano Jazz´ sjónvarpsstöðvarinnar NPR. Hann var um árabil píanóleikari Walt Disney Studios í Hollywood og lék inn á bíómyndir t.d. Rósin, Harold & Moude og Splash og sjónvarpsþættina Húsið á sléttunni og Dallas. Einnig kom hann að því að semja tónlist fyrir þáttaröðina Fame. Hann hefur og komið við í poppgeiranum, hefur útsett fyrir og leikið með t.d. Barbara Streisand og Quincy Jones.