Sumarið og ástin. Íslensk og ítölsk sönglist í Listasafni Sigurjóns
Á sumartónleikum Listasafns Sigurjóns Ólafsson þriðjudagskvöldið 30. ágúst syngur Alda Ingibergsdóttir við undirleik Ólafs Vignis Albertssonar lög eftir Sveinbjörn Sveinbjörnsson, Jóhann Ó. Haraldsson, Jón Ásgeirsson og Sigfús Halldórsson og aríur ítölsku tónskáldanna Puccini og Verdi.

Alda Ingibergsdóttir lauk einsöngvaraprófi frá Söngskólanum í Reykjavík vorið 1994 undir leiðsögn Dóru Reyndal og Ólafs Vignis Albertssonar og sama ár hóf hún framhaldsnám við Trinity College of Music í London, þar sem aðalkennari hennar var Teresa Cahill. Þaðan lauk hún Fellowship Diploma vorið 1996. Í uppfærslum Trinity College of Music hefur Alda sungið hlutverk Paminu í Töfraflautunni og hlutverk Lillian Russel í Mother of us all eftir Virgil Thomson.
  Alda hefur farið með mörg hlutverk í óperum hérlendis: Fyrsta anda og einnig Næturdrottninguna í Töfraflautu Mozarts, Dísu í Galdra-Lofti Jóns Ásgeirssonar, Arzenu í Sígaunabaróni J. Strauss, Helenu Fögru í samnefndri óperu eftir Offenbach og Kátu ekkjuna í samnefndri óperettu eftir Lehar. Þá hefur Alda haldið tónleika víða og komið fram sem einsöngvari með Sinfóníuhljómsveit Íslands og ýmsum kórum og árið 2002 kom út geisladiskur með söng hennar: Ég elska þig.

Ólafur Vignir Albertsson píanóleikari lauk burtfararprófi frá Tónlistarskólanum í Reykjavík árið 1961. Hann stundaði framhaldsnám við Royal Academy of Music í London. Auk ótal tónleika á Íslandi hefur Ólafur Vignir leikið í mörgum löndum Evrópu, í Bandaríkjunum og Kanada, einnig í útvarpi, sjónvarpi og inn á hljómplötur. Hann starfar nú sem píanóleikari við Söngskólann í Reykjavík.

Tónleikarnir hefjast klukkan 20:30. Kaffistofa safnsins er opin eftir tónleika.
Aðgangseyrir er 1500 kr.

Summer and Love. Icelandic songs and Italian arias in Sigurjón Ólafsson Museum.

Alda Ingibergsdóttir, soprano, accompanied with pianist Ólafur Vignir Albertsson will perform songs by the Icelandic composers Sveinbjörn Sveinbjörnsson, Jóhann Ó. Haraldsson, Jón Ásgeirsson and Sigfús Halldórsson. Also arias by the Italian composers Puccini and Verdi. Sigurjón Ólafsson Museum, Laugarnestangi 70 Reykjavík, Tuesday August 30th at 20:30

Alda Ingibergsdóttir, soprano, graduated as a solo singer from the Reykjavík School of Singing in 1994, her main tutors were Dóra Reyndal and Ólafur Vignir Albertsson. The same year she commenced her studies at Trinity College of Music in London with Teresa Cahill and completed her Fellowship Diploma in the spring of 1996. She took part in productions staged by the Trinity College of Music and sang, among other roles, that of Pamina in The Magic Flute and Lillian Russel in Mother of Us All by Virgil Thomson.
     Ingibergsdóttir is very active as a opera soloist and her roles in Icelandic Operas and Theatres include The First Spirit and The Queen of the Night in Mozart´s Magic Flute, the Dísa in Galdra-Loftur by Jón Ásgeirsson, Arzena in J. Strauss’ The Gypsy Baron, Héléne in La Belle Héléne by Offenbach and Hanna Glawari in the operetta The Marry Widow by Lehar. She has also performed as a soloist with the Iceland Symphony Orchestra and various choirs and in 2002 she released her CD: Ég elska þig (I love you).

Ólafur Vignir Albertsson, pianist, graduated from The Reykjavík College of Music in 1961. He studied at The Royal Academy of Music in London. Albertsson has given numerous solo concerts in Iceland, as well as in other European countries, the USA and Canada. He has appeared on the radio, television and in various recordings and he coaches at the Reykjavík School of Singing.