Ábyrgðarmaður:
Geirfinnur Jónsson
Listasafni Sigurjóns Ólafssonar
Sími 553-2906 netfang: lso@lso.is

Alla tónleikaröðina er að finna á netsíðu safnsins hér - here
Tónleikasíðan er uppfærð vikulega og t.d. eru settar krækjur í efnisskrár tónleikanna þegar þær eru tilbúnar.

Listasafn Sigurjóns
þriðjudaginn 28. júní kl. 20:30

Ólafsson Museum, Reykjavík Tuesday June 28th at 20:30
How to get there

Helga Þórarinsdóttir og Kristinn H. Árnason

Kristinn H. Árnason og Helga Þórarinsdóttir

Hér er hægt að krækja í prenthæfa myndi af Helgu og Kristni

Fullbúna efnisskrá er að finna á netsíðu safnsins www.lso.is/tonl_i.htm
Nánari upplýsingar veitir Helga Þórarinsdóttir í síma 581-4009 og 891-8697 e-pósti

Samhljómur víólu og gítars á Sumartónleikum í Sigurjónssafni á þriðjudagskvöldið. Ítölsk, spænsk og íslensk tónlist.

Á sumartónleikum Listasafns Sigurjóns Ólafssonar þriðjudagskvöldið 28. júní leika þau Helga Þórarinsdóttir víóluleikari og Kristinn H. Árnason gítarleikari verk eftir Benedetto Marcello, Antonio Vivaldi, Ferdiando Carulli, Manuel de Falla og Árna Thorsteinsson.

Helga Þórarinsdóttir stundaði nám í við Royal Northern College of Music í Manchester og síðar hjá George Neikrug í Boston. Hún hóf störf hjá Sinfóníuhljómsveit Íslands árið 1980 og hefur verið leiðari víóludeildar frá árinu 1983. Hún hefur leikið einleik með Sinfóníuhljómsveitinni, síðast í Víólukonsert eftir Kjartan Ólafsson sem hlaut Íslensku Tónlistarverðlaunin 2001, haldið fjölda einleikstónleika og komið fram með ýmsum kammerhópum. Helga hefur kennt við Tónlistarskólann í Reykjavík, stjórnað strengjasveitum og kennir nú í Tónmenntaskólanum og Tónlistarskóla Seltjarnarness.

Kristinn H. Árnason lauk B.M. gráðu frá Manhattan School of Music þar sem kennari hans var Nicolas Goluses. Einnig lærði hann í Englandi hjá Gordon Crosskey og á Spáni hjá José Tomas. Á námsárum sínum lék Kristinn m.a. fyrir Hans Werner Henze, Manuel Barrueco og Andrés Segovia. Kristinn hefur haldið fjölda tónleika á Íslandi, vestan hafs og austan, meðal annars í Wigmore Hall í London og kammersal Concertgebouw í Amsterdam. Hann hefur hljóðritað fyrir hljóðvarp og sjónvarp og þegið starfslaun listamanna frá íslenska ríkinu. Kristinn hefur leikið inn á fjölda geisladiska og hlaut diskur hans með verkum eftir Sor og Ponce Íslensku tónlistarverðlaunin árið 1997.

Tónleikarnir hefjast klukkan 20:30. Kaffistofa safnsins er opin eftir tónleika.

Aðgangseyrir er 1500 kr.

English:

Italian, Spanish and Icelandic music in Sigurjón Ólafsson Museum Tuesday 28th at 20:30.

Helga Þórarinsdóttir viola and Kristinn H. Árnason guitar perfom compositions by Benedetto Marcello, Antonio Vivaldi, Ferdiando Carulli, Manuel de Falla and Árni Thorsteinsson.

Helga Þórarinsdóttir, the principal violist of the Iceland Symphony Orchestra, studied at the Royal Northern College of Music in Manchester and later with George Neikrug in Boston. She has appeared as a soloist with the Symphony Orchestra, most recently in The Viola Concerto by Kjartan Ólafsson, for which he received the Icelandic Music Award in 2001. Þórarinsdóttir has given numerous solo concerts and appeared with several chamber music groups. She teaches the violin and viola and conducts student string orchestras.

Kristinn H. Árnason received BM degree from Manhattan School of Music with Nicolas Goluses. Later he studied with Gordon Crosskey in England and José Tomas in Spain and played for musicians such as Hans Werner Henze, Manuel Barrueco and Andrés Segovia. He has given numerous concerts in Iceland and abroad, e.g. in Wigmor Hall, London and the chamber hall of Concertgebouw, Amsterdam. One of his CDs, with music by Sor and Ponce, received the Icelandic Music Award in 1997.

Admission 1500 ISK