Musica ad Gaudium skipa: Andrea Brozáková sópran, Alena Tichá semballeikari, Jaromír Tichý flautuleikari og Václav Kapusta fagottleikari. Öll taka þau einnig virkan þátt í hinu fjölbreytta tónlistarlífi Tékklands sem einleikarar, í hljómsveitar- og kammertónlist og sem kennarar. Hópurinn hefur um nokkurra ára skeið staðið fyrir tónleikaröð í Ráðhúsinu í PilzeÁ þar sem þau bjóða til sín gesti hverju sinni. Á tónleikum þeirra haustið 2002 var Eydís Franzdóttir óbóleikari gestur þeirra.

Andrea Brozáková sópransöngkona, lærði við tónlistarháskólana í PilzeÁ og Prag í Tékklandi. Árið 1993 var hún fastráðin við Óperuhúsið í PilzeÁ þar sem hún hefur sungið fjölda hlutverka. Andrea Brozáková hefur einnig leitast við að flytja tónlist frá barokk- og endurreisnartímabilinu og hefur hlotið mikið lof fyrir söng sinn á því sviði.

Alena Tichá semballeikari hefur hlotið fjölda viðurkenninga fyrir leik sinn og er mjög eftirsótt í heimalandi sínu, Tékklandi, bæði sem einleikari og í samleik. Hún nam semballeik við tónlistarháskólana í PilzeÁ og Prag í Tékklandi, auk þess að sækja námskeið í Sviss, Frakklandi og Þýskalandi. Alena Tichá er nú prófessor við Tónlistarháskólann í PilzeÁ.

Jaromír Tichý flautuleikari er stofnandi og aðalskipuleggjandi Musica ad Gaudium. Hann var flautuleikari tékknesku útvarpshljómsveitarinnar í PilzeÁ á árunum 1984 –1998, en hefur síðan einbeitt sér að flutningi kammertónlistar með Musica ad Gaudium og Piazzolla's Soloists sem hann stofnaði 1998. Jaromír Tichý leikur jöfnum höndum á þverflautu og blokkflautu. Hann stundaði nám við Tónlistarháskólann í PilzeÁ og hefur sótt námskeið víðsvegar um Evrópu.

Václav Kapusta er fagottleikari við Fílharmoníuhljómsveitina í PilzeÁ (áður Tékknesku Útvarpshljómsveitina) og leikur einnig með óperuhljómsveitinni þar í borg. Hann hefur mikinn áhuga á að flytja eldri tónlist og hefur verið meðlimur í barokkhópunum Cantories Clatovienses, Barock Musik Collegium Sušice og í Musica ad Gaudium.

Eydís Franzdóttir lauk burtfararprófi frá Tónlistarskólanum í Reykjavík 1987 og stundaði framhaldsnám í London. Hún lék um skeið með samevrópsku hljómsveitinni Acadya, og var síðar ráðin fyrsti óbóleikari Tékknesku Útvarpshljómsveitarinnar í PilzeÁ þar sem hún lék um tveggja ára skeið. Eydís hefur komið fram á tónleikum víða um Evrópu, Norður-Ameríku og á Íslandi. Hún er m.a. meðlimur í Caput-hópnum og skipuleggjandi og óbóleikari Poulenc-hópsins. Eydís lék oft sem gestur með Musica ad Gaudium á árunum sem hún starfaði í Tékklandi. Haustið 2002 hófst samstarf þeirra að nýju er hópurinn bauð henni að vera gestur þeirra á tónleikum í Ráðhúsinu í PilzeÁ.

Aðgangseyrir 1500 kr.