|
Fréttatilkynning frá Listasafni Sigurjóns
Ólafssonar 29.10.2024 Smellið hér til að skoða í vafra
Efnt er til Laugarnesvöku í Listasafni Sigurjóns
Ólafssonar
sunnudaginn 3. nóvember 2024 klukkan 15 til stuðnings náttúru og búsetulandslagi í Laugarnesi 
Á Laugarnestanga, þeim litla skika sem eftir er óbyggður
af hinu forna stórbýli að Laugarnesi, er eina óspillta
fjaran á norðurströnd Reykjavíkurborgar, þar eru
svæði með fjölbreyttan náttúrulegan
gróður, þar er griðland fugla og þar eru menjar um
búsetu allt frá landnámi. Reynt hefur verið að seilast
inn á Tangann til að byggja á honum, eða leggja yfir hann vegi, en
velunnurum hefur hingað til tekist að afstýra
því. Nú er verið að þrengja að Tanganum með
landfyllingum og háhýsum úr norðri.Á Laugarnesvöku er stefnt að stofnun félags sem nefna mætti „Laugarnesvinir“ til að efla þann stóra hóp sem sýnt hefur áhuga á að Laugarnestangi njóti verndar til framtíðar. Hafin verður undirskriftasöfnun þar sem skorað er á ráðherra umhverfis-, orku- og loftslagsmála að Laugarnes verði friðlýst sem Búsetu − og Menningarlandslag. Í Verndaráætlun fyrir minjasvæðið á Laugarnestanga sem samþykkt var af borgarstjóra Reykjavíkur þann 25. ágúst 2016 segir: „Náttúrufarið á Laugarnesi gerir svæðið einstakt í Reykjavík þar sem hægt er að horfa yfir nesið og út í Viðey án truflunar frá mannvirkjum nútímans. Mikilvægt er að halda í þetta merkilega menningarlandslag, samspil náttúru og minja, sem er hvergi að finna annars staðar í Reykjavík.“ Ekki er að sjá að unnið hafi verið eftir þessari samþykkt og mikilvægi Laugarnestangans sem útivistarsvæðis hefur aukist − og er enn að aukast − með hinni miklu þéttingu byggðar, til dæmis á Kirkjusandi. Ókeypis verður inn á safnið þennan dag, og heitt kaffi á könnunni. Dagskrá stýra Þuríður Sigurðardóttir og Hlíf Sigurjónsdóttir. | |
| |